ന്യൂയോർക്ക്: പ്രമുഖ വനിതാ നേതാവും സംരംഭകയുമായ രേവതി പിള്ള ഫൊക്കാനയുടെ (ഫെഡറേഷൻ ഓഫ് കേരള അസോസിയേഷൻസ് ഇൻ നോർത്ത് അമേരിക്ക) 2026-28 ഭരണസമിതിയിലേക്ക് ട്രഷറർ സ്ഥാനത്തേക്ക് മത്സരിക്കുന്നു. ലീലാ മാരേട്ട് നേതൃത്വം നൽകുന്ന പാനലിലാണ് ബോസ്റ്റണിൽ നിന്നുള്ള രേവതി പിള്ള ജനവിധി തേടുന്നത്.
ഫൊക്കാനയുടെ ഇപ്പോഴത്തെ വിമൻസ് ഫോറം ചെയർപഴ്സനായി സേവനം അനുഷ്ഠിക്കുന്ന വ്യക്തിയാണ് രേവതി പിള്ള. ഐടി കമ്പനിയുടെ സീനിയർ വൈസ് പ്രസിഡന്റ് ആയ രേവതി കഴിവ് തെളിയിച്ച അഡ്മിനിസ്ട്രേറ്റർ എന്ന നിലയിൽ ശ്രദ്ധേയയാണ്.
മികച്ച പ്രസംഗക, സംഘടനാ പ്രവർത്തക, സാംസ്കാരിക പ്രവർത്തക എന്നീ നിലകളിൽ വ്യക്തിമുദ്ര പതിപ്പിച്ച ഇവർ ഫൊക്കാന നാഷനൽ കമ്മിറ്റി അംഗം, റീജനൽ പ്രസിഡന്റ് എന്നീ സ്ഥാനങ്ങൾ മുൻപ് വഹിച്ചിട്ടുണ്ട്. ചാരിറ്റി സംഘടനയായ ന്ധവിഷൻ എയ്ഡ്’ന്റെ ബോർഡ് മെമ്പറായും ഇവർ പ്രവർത്തിക്കുന്നു.
സംഘടനയെ സുതാര്യമാക്കാൻ ശ്രമിക്കുന്ന രേവതി, ഫൊക്കാന എത്തിക്സ് കമ്മിറ്റി മെമ്പറായി പ്രവർത്തിച്ച കാലയളവിൽ "സെക്ഷ്വൽ ഹരാസ്മെന്റ് പോളിസി’ എഴുതിയുണ്ടാക്കിയത് സുപ്രധാന നേട്ടമാണ്.
കേരള അസോസിയേഷൻ ഓഫ് ന്യൂഇംഗ്ലണ്ട് മുൻ സെക്രട്ടറിയും, സീനിയർ എക്സിക്യൂട്ടീവ് വനിതകൾക്കായുള്ള ന്ധചീഫ്’ എന്ന ഓർഗനൈസേഷൻ ബോസ്റ്റൺ ചാപ്റ്റർ ഫൗണ്ടറും കൂടിയാണ് രേവതി പിള്ള.